غیر ملکی خبررساں ایجنسی کے مطابق اسپین کی وزارتِ خارجہ کے ذرائع نے بتایا ہے کہ تل ابیب میں اسپین کا سفارت خانہ اب ناظم الامور کی سربراہی میں کام کرے گا۔

اسپین نے اسرائیل کے ساتھ سفارتی تعلقات 1986 میں قائم کیے تھے، تاہم دونوں ممالک کے تعلقات میں ہمیشہ کشیدگی پائی جاتی رہی ہے۔ اسپین نے غزہ میں ہونے والی جنگ اور ایران پر امریکی و اسرائیلی حملوں کی بھی شدید مخالفت کی تھی۔

گزشتہ روز اسپین کے وزیرِ خارجہ نے کہا تھا کہ ایران کے خلاف امریکا اور اسرائیل کی ممکنہ کارروائیوں کی مخالفت کے باوجود اسپین اور امریکا کے تعلقات معمول کے مطابق چل رہے ہیں۔

اسپین کے وزیراعظم یدرو سانچیز  کی حکومت نے گزشتہ ہفتے ایران کے خلاف جنگ کو غیر قانونی قرار دیا تھا اور امریکی طیاروں کو جنوبی اسپین میں واقع مشترکہ فوجی اڈوں سے ایران کے خلاف کارروائیوں کے لیے استعمال کرنے سے روک دیا تھا۔