عالمی خبررساں ادارے رائٹرز کے مطابق حادثہ ویلز کے علاقے اینگلیسی کے قریب پیش آیا، جہاں برطانوی فوج کا تربیتی طیارہ پرواز کے دوران حادثے کا شکار ہوگیا۔
حادثے کے وقت طیارے میں موجود دونوں پائلٹس نے ہنگامی صورت حال کے دوران طیارے سے ایجیکٹ کیا۔
نارتھ ویلز پولیس کے مطابق حادثے کے بعد دونوں پائلٹس کو طبی امداد کے لیے اسپتال منتقل کیا گیا، جہاں ان کا علاج جاری ہے۔ پولیس نے بتایا کہ ابتدائی طور پر دونوں پائلٹس کو آنے والی چوٹیں معمولی نوعیت کی ہیں۔
پولیس کے مطابق حادثے کے نتیجے میں علاقے میں کسی دوسرے شخص کے زخمی ہونے کی اطلاع نہیں ملی، جبکہ بڑے پیمانے پر املاک کو نقصان پہنچنے کی بھی کوئی رپورٹ سامنے نہیں آئی۔
رائل ایئر فورس کے ترجمان نے حادثے کی تصدیق کرتے ہوئے بتایا کہ آر اے ایف ویلی سے پرواز کرنے والے T2 ہاک تربیتی طیارے کو اینگلیسی کے قریب حادثہ پیش آیا۔
ترجمان کے مطابق حادثے کی وجوہات جاننے کے لیے تحقیقات شروع کردی گئی ہیں۔
رائل ایئر فورس کا کہنا ہے کہ تحقیقات مکمل ہونے تک حادثے کے حوالے سے مزید تبصرہ نہیں کیا جائے گا۔
حادثے کے بعد متعلقہ اداروں نے علاقے کا جائزہ لیا اور واقعے سے متعلق شواہد اکٹھے کرنے کا عمل شروع کردیا ہے۔ حکام کی جانب سے طیارے کے حادثے کی ممکنہ وجہ کے بارے میں فی الحال کوئی تفصیلات جاری نہیں کی گئیں۔
رائٹرز کے مطابق حادثے میں زخمی ہونے والے دونوں پائلٹس کو ابتدائی طور پر معمولی نوعیت کی چوٹیں آنے کی اطلاع ہے، جبکہ حادثے میں کسی اور شخص کے زخمی ہونے کی اطلاع نہیں ملی۔
