خبررساں ادارے کے مطابق یہ بات اسرائیلی عدالت کے ترجمان نے جمعرات کو اس وقت بتائی جب ایران کے ساتھ جنگ کے باعث نافذ ہنگامی حالت ختم کر دی گئی۔
Israeli Prime Minister Benjamin #Netanyahu’s long-running corruption trial will resume, the courts’ spokesperson says, hours after Israel lifted a state of emergency imposed over its war with Iran.https://t.co/DGH64V5MRH
— Al Arabiya English (@AlArabiya_Eng) April 9, 2026
رپورٹس کے مطابق 28 فروری کو اسرائیل اور امریکی صدر ڈونلڈ ٹرمپ کی جانب سے ایران پر فضائی حملوں کے بعد ایران نے بیلسٹک میزائلوں اور ڈرونز کے ذریعے اسرائیل کو نشانہ بنانا شروع کر دیا تھا۔
ہنگامی حالت کے باعث تعلیمی ادارے اور کام کی جگہیں بند رہی تھیں، تاہم بدھ کی شام اسے ختم کر دیا گیا، کیونکہ جنگ بندی پر اتفاق کے بعد صبح 3 بجے کے بعد کسی ایرانی میزائل حملے کی اسرائیل میں اطلاع موصول نہیں ہوئی۔ تاہم لبنان میں حزب اللہ کے ٹھکانوں پر اسرائیلی حملوں نے اس جنگ بندی کو خطرے میں ڈال دیا ہے۔
اسرائیلی عدالتوں کے جاری کردہ بیان کے مطابق ہنگامی حالت کے خاتمے اور عدالتی نظام کی بحالی کے بعد مقدمات کی سماعت معمول کے مطابق دوبارہ شروع کی جائے گی اور نیتن یاہو کے کیس کی سماعت اتوار سے بدھ تک جاری رہے گی۔
Netanyahu s criminal trial resumes on Sun. A region-wide ceasefire, incl in Lebanon, would hasten his jailing.
— Seyed Abbas Araghchi (@araghchi) April 9, 2026
If the U S. wishes to crater its economy by letting Netanyahu kill diplomacy, that would ultimately be its choice. We think that would be dumb but are prepared for it.
بنجمن نیتن یاہو اسرائیل کے پہلے موجودہ وزیرِ اعظم ہیں جن پر باضابطہ طور پر فوجداری الزامات عائد کیے گئے۔ وہ 2019 میں عائد کیے گئے رشوت، دھوکہ دہی اور اعتماد کے غلط استعمال کے الزامات کی تردید کرتے ہیں۔
ان کے خلاف مقدمے کی سماعت 2020 میں شروع ہوئی تھی، تاہم سرکاری مصروفیات کے باعث اس میں بار بار تاخیر ہوتی رہی ہے اور تاحال اس کے اختتام کی کوئی حتمی تاریخ سامنے نہیں آئی۔
دوسری جانب امریکی صدر ڈونلڈ ٹرمپ نے بھی نیتن یاہو کے مؤقف کی حمایت کرتے ہوئے اسرائیلی صدر اسحاق ہرزوگ سے ان کے لیے معافی کی اپیل کی بازگشت دہرائی ہے، جس میں کہا گیا ہے کہ باقاعدہ عدالتی پیشیاں ان کی سرکاری ذمہ داریوں کی انجام دہی کو متاثر کر سکتی ہیں۔
“With the lifting of the state of emergency and the return of the judicial system to work, hearings will resume as usual”
— Middle East Eye (@MiddleEastEye) April 9, 2026
Israeli PM Benjamin Netanyahu’s long-running corruption trial will resume on Sunday, according to a statement released by the Israeli court hours after… pic.twitter.com/DWIHjV5CVI
اسرائیلی صدر کے دفتر کے مطابق وزارتِ انصاف اس معاملے پر رائے مرتب کر کے صدر کے قانونی مشیر کو پیش کرے گی، جو معمول کے مطابق سفارش تیار کرے گا، تاہم عام طور پر دورانِ ٹرائل معافی نہیں دی جاتی۔
یاد رہے کہ اکتوبر 2023 میں اسرائیل پر حماس کے حملوں اور نیتن یاہو کے خلاف مقدمات نے ان کی سیاسی پوزیشن کو متاثر کیا ہے۔ اسرائیل میں آئندہ انتخابات اکتوبر میں متوقع ہیں، جن میں نیتن یاہو کے دائیں بازو کے اتحاد کو سخت مقابلے کا سامنا ہو سکتا ہے۔
