تفصیلات کے مطابق آزاد کشمیر حکومت کی جانب سے ایکشن کمیٹی کے روپ میں سرگرم انتشاری عناصر کے خلاف کارروائیاں جاری ہیں۔

ضلع انتظامیہ اور پولیس نے ریاست مخالف سرگرمیوں کے الزام میں مظفرآباد میں واقع کالعدم جوائنٹ عوامی ایکشن کمیٹی (جے اے اے سی) کے مرکزی دفتر کو سیل کر دیا۔

پولیس کے مطابق تلاشی کے دوران ایک سب مشین گن، ایک بارہ بور رائفل اور ایک پستول برآمد کیا گیا۔ چھاپے کے دوران مرکزی دفتر کے باہر عوام کی بڑی تعداد موجود تھی، تاہم کسی قسم کا احتجاج یا نعرے بازی دیکھنے میں نہیں آئی۔

ماہرین کے مطابق چھاپے کے دوران اسلحے کی برآمدگی اس بات کا ثبوت ہے کہ یہ گروہ نام نہاد عوامی حقوق کی آڑ میں انتشار پھیلانے کے درپے تھا۔

ان کے بقول ریاستی رٹ کے نفاذ، قانون کی حکمرانی اور عوامی نظم و ضبط کے تحفظ کے لیے ایسی قانونی کارروائیاں ناگزیر ہوتی ہیں۔