پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی کے امور، خطے کی سیکیورٹی صورتحال اور دفاعی و فوجی تعاون کو مزید فروغ دینے پر تفصیلی تبادلہ خیال کیا گیا۔

اردن کے اعلیٰ فوجی حکام نے پاکستان کی مسلح افواج کی پیشہ ورانہ صلاحیتوں کو سراہتے ہوئے علاقائی امن و استحکام کے لیے ان کی کوششوں کی تعریف کی۔

اس موقع پر فیلڈ مارشل سید عاصم منیر نے اردن کے ساتھ دفاعی تعاون مزید مستحکم کرنے کے عزم کا اعادہ کیا اور مشترکہ سیکیورٹی چیلنجز سے نمٹنے کے لیے قریبی تعاون کی ضرورت پر زور دیا۔

ملاقات کے اختتام پر دونوں رہنماؤں نے پاکستان اور اردن کے درمیان فوجی تعلقات کو مزید گہرا کرنے کے عزم کا اظہار کیا۔