وزیراعظم نے سماجی رابطے کی ویب سائٹ ایکس پر اپنے بیان میں ایران امریکا معاہدے سے متعلق پیش رفت کا اعلان کرتے ہوئے امریکی صدر ڈونلڈ ٹرمپ، نائب صدر جے ڈی وینس، مارکو روبیو، اسٹیو وٹکوف اور ایرانی وزیر خارجہ عباس عراقچی کو ٹیگ کیا۔

انہوں نے کہا کہ پاکستان کی ثالثی کوششوں کے دوران امن عمل کو سبوتاژ کرنے کے خواہش مند عناصر کی منفی مہم سے آگاہ ہیں، تاہم شور کو نظر انداز کرتے ہوئے تصدیق کی جا سکتی ہے کہ امن معاہدے کے حتمی مسودے پر اتفاق ہو چکا ہے۔

وزیراعظم کے مطابق پاکستان آئندہ مراحل کو حتمی شکل دینے کے لیے فریقین کے ساتھ مل کر کام کر رہا ہے۔ انہوں نے کہا کہ امن اب پہلے سے کہیں زیادہ قریب ہے اور معاہدے کے متن پر حتمی اتفاق طے پا گیا ہے۔