سماجی رابطے کی سائٹ ایکس پر جاری اپنے بیان میں اسحاق ڈار نے اس پیش رفت کو اہم قرار دیتے ہوئے کہا کہ روزانہ دو پاکستانی جہاز آبنائے ہرمز سے گزریں گے۔

انہوں نے ایران کے اس اقدام کو خوش آئند اور تعمیری قرار دیتے ہوئے کہا کہ یہ قابل تحسین ہے اور اس سے خطے میں امن اور استحکام کو فروغ ملے گا۔

وزیر خارجہ کے مطابق یہ مثبت اعلان امن کی جانب ایک بامعنی قدم ہے اور اس سے باہمی تعاون اور اعتماد سازی کی کوششوں کو تقویت ملے گی۔

انہوں نے مزید کہا کہ بات چیت، سفارت کاری اور اعتماد سازی جیسے اقدامات ہی آگے بڑھنے کا واحد راستہ ہیں۔

دوسری جانب مشرق وسطیٰ میں جاری اس تنازعے کے حل کے لیے مصر اور ترکیہ کے وزرائے خارجہ پاکستان پہنچ چکے ہیں۔