پاک فوج کے شعبہ تعلقات عامہ (آئی ایس پی آر) کے مطابق یہ ملاقات جنرل ہیڈ کوارٹرز (جی ایچ کیو) میں ہوئی، جس میں دونوں رہنماؤں نے خطے میں امن و استحکام کے لیے پاکستان اور برطانیہ کے مسلسل تعاون کے عزم کا اعادہ کیا۔

بیان کے مطابق جنرل سر چارلس رولینڈ نے دہشت گردی کے خلاف افواجِ پاکستان کی قربانیوں اور کامیابیوں کو خراجِ تحسین پیش کیا اور علاقائی امن کے قیام میں پاک فوج کی کاوشوں کو سراہا۔

ملاقات سے قبل برطانوی چیف آف جنرل اسٹاف نے یادگارِ شہدا پر حاضری دی، پھول چڑھائے اور پاک فوج کے چاق و چوبند دستے کی جانب سے پیش کی جانے والی سلامی قبول کی۔