ملاقات کے دوران دونوں عسکری رہنماؤں نے باہمی دلچسپی کے امور، خطے کی بدلتی ہوئی سیکیورٹی صورتحال، دفاعی تعاون اور دوطرفہ فوجی تعلقات کے فروغ پر تبادلہ خیال کیا۔
اس موقع پر دونوں ممالک کی افواج کے درمیان پیشہ ورانہ روابط، تربیتی تعاون اور ادارہ جاتی اشتراک کو مزید مضبوط بنانے کے امکانات پر بھی گفتگو ہوئی۔
General Rodolphe Haykal, Commander-in-Chief of the Lebanese Armed Forces, called on Field Marshal Syed Asim Munir at GHQ, Rawalpindi. Discussions focused on defence cooperation, professional exchanges, and regional security. pic.twitter.com/ZUIMqTpSrW
— Umair Aslam (@Defense785) June 9, 2026
فیلڈ مارشل عاصم منیر نے لبنان کے ساتھ پاکستان کے دیرینہ اور دوستانہ تعلقات کی اہمیت کو اجاگر کرتے ہوئے کہا کہ پاکستان آرمی لبنانی مسلح افواج کے ساتھ دفاعی تعاون کو مزید وسعت دینے کے لیے پرعزم ہے۔
لبنانی آرمی چیف جنرل روڈولف ہائیکل نے پاکستان کی مسلح افواج کی پیشہ ورانہ صلاحیتوں اور آپریشنل مہارت کو سراہتے ہوئے علاقائی امن، استحکام اور عالمی امن مشنز میں پاکستان کے کردار کی تعریف کی۔
لبنانی آرمی چیف کا یہ دورہ دونوں ممالک کی افواج کے درمیان دفاعی اور عسکری تعاون کو مزید مضبوط بنانے کے مشترکہ عزم کا مظہر قرار دیا جا رہا ہے۔
