دفترِ خارجہ کے مطابق نائب وزیراعظم اور وزیرِ خارجہ اسحاق ڈار کی دعوت پر کویت کے وزیرِ خارجہ شیخ جراح جابر الاحمد الصباح پاکستان کے سرکاری دورے پر اسلام آباد پہنچے ہیں۔

اسلام آباد انٹرنیشنل ایئرپورٹ پر معزز مہمان کا پرتپاک استقبال کیا گیا۔ وزارتِ خارجہ کے ایڈیشنل سیکرٹری (مشرقِ وسطیٰ) زاہد حسین نے کویتی وزیرِ خارجہ کا ایئرپورٹ پر استقبال کیا۔

دورے کے دوران دونوں ممالک کے درمیان دوطرفہ تعلقات، باہمی دلچسپی کے علاقائی اور بین الاقوامی امور پر تبادلۂ خیال کیا جائے گا۔

ترجمان دفترِ خارجہ کے مطابق یہ دورہ پاکستان اور کویت کے درمیان دیرینہ برادرانہ تعلقات، مشترکہ تاریخ، باہمی اعتماد اور قریبی تعاون کی عکاسی کرتا ہے۔