ذرائع کے مطابق انسداد، دہشتگردی عدالت نے شاہ محمود قریشی سمیت 13 افراد کو جی آر او گیٹ توڑنے کے مقدمے میں بری کردیا ہے، جب کہ عبداللہ بدر، مشتاق احمد، قاسم الٰہی کو10، 10 سال کی قید سنائی گئی ہے۔

ان کے علاوہ  ڈاکٹر یاسمین راشد، عمر سرفراز چیمہ اور میاں محمود الرشید کو 10، 10 سال کی قید کی سزا سنائی گئی۔

ذرائع کے مطابق دورانِ ٹرائل ڈاکٹر یاسمین راشد سمیت 21 ملزمان کے حتمی بیانات قلمبند کیے گئے، پراسکیوشن کی جانب سے 56 گواہوں کو عدالت میں پیش کیا گیا۔ اے ٹی سی کے جج منظر علی نے کوٹ لکھپت جیل میں کیس کا فیصلہ سنایا۔

ذرائع کا کہنا ہے کہ دورانِ ٹرائل 4 ملزمان کو اشتہاری قرار دیا گیا، تھانہ ریس کورس پولیس نے مقدمے کا چالان پیش کر رکھا تھا۔