پاک فوج کے شعبہ تعلقاتِ عامہ (آئی ایس پی آر) کے مطابق یہ مشق یکم دسمبر کو نیشنل کاؤنٹر ٹیررازم سینٹر پبی میں شروع ہوئی۔ اس مشق میں انسداد دہشت گردی کی جدید کارروائیوں، آپریشنل تعاون کے فروغ، پیشہ ورانہ مہارتوں میں اضافے اور جدید جنگی تقاضوں کے تحت بہترین طریقوں کے تبادلے پر خصوصی توجہ دی جا رہی ہے۔

آئی ایس پی آر کے مطابق پاکستان اور چین کے درمیان دیرینہ، سدا بہار اور مضبوط دفاعی تعاون موجود ہے جس کی بنیاد باہمی اعتماد، اسٹریٹجک شراکت داری اور مشترکہ علاقائی مفادات پر ہے۔ وارئیر نائن اس مستحکم عسکری تعلق کا عملی اظہار ہے اور دونوں ممالک کے علاقائی امن، استحکام اور سلامتی کے عزم کی تجدید بھی ہے۔

افتتاحی تقریب میں کور کمانڈر منگلا، پی ایل اے ویسٹرن تھیٹر کمانڈ کے ڈپٹی چیف آف اسٹاف میجر جنرل بیان شیاؤمنگ اور دونوں ممالک کے دیگر سینئر عسکری حکام نے شرکت کی۔