پولیس اعلامیے کے مطابق 18 اپریل 2026 کی رات 12 بجے سے راولپنڈی میں تمام ریسٹورنٹس، پارکس، بیوٹی پارلرز، ہوٹلز، کوئٹہ ہوٹلز، مارکیٹس، اسنوکر کلبز، جم، پان شاپس، کیوسکس، حجام کی دکانیں، شال شاپس، بینکس اور بیکریز بند رہیں گی۔

حکام نے واضح کیا ہے کہ یہ اقدام شہر میں امن و امان کی صورتحال کو برقرار رکھنے کے لیے کیا گیا ہے اور یہ پابندی تاحکمِ ثانی برقرار رہے گی۔

راولپنڈی پولیس نے خبردار کیا ہے کہ احکامات کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔

شہریوں اور کاروباری افراد سے اپیل کی گئی ہے کہ وہ سکیورٹی اداروں کے ساتھ تعاون کریں اور جاری ہدایات پر مکمل عمل درآمد یقینی بنائیں۔