پولیس کے مطابق متاثرہ خاتون کی درخواست پر تھانہ برکی میں مقدمہ درج کیا گیا۔ ایف آئی آر میں ملازمہ نے مؤقف اختیار کیا ہے کہ سلمان قادر نے اسے فون کر کے فوری طور پر کام پر آنے کو کہا، جب وہ ہاؤسنگ سوسائٹی کے گیٹ پر پہنچی تو ملزم اسے گاڑی میں بٹھا کر فارم ہاؤس لے گیا، جہاں مبینہ طور پر زیادتی کا نشانہ بنایا گیا۔

پولیس کا کہنا ہے کہ واقعے کی تحقیقات جاری ہیں اور ملزم سلمان قادر سے تفتیش کی جا رہی ہے۔ مقدمہ متعلقہ دفعات کے تحت درج کیا گیا ہے۔

واضح رہے کہ سلمان قادر لاہور میں کرکٹ سکھانے کے لیے ایک اکیڈمی بھی چلاتے ہیں۔

پولیس حکام کے مطابق واقعے سے متعلق شواہد اکٹھے کیے جا رہے ہیں، جب کہ قانونی کارروائی میرٹ پر آگے بڑھائی جائے گی۔