ایوان صدر کے میڈیا ونگ سے جاری بیان کے مطابق صدر مملکت آصف علی زرداری نےسڈنی کے ساحل پر فائرنگ سے جان بحق افراد کے اہلِ خانہ سے دلی تعزیت اور ہمدردی کا اظہار کرتے ہوئے زخمیوں، بشمول واقعے پر کارروائی کے دوران زخمی ہونے والے پولیس اہلکاروں کی جلد صحت یابی کے لیے نیک تمناؤں کا اظہار کیا۔
انہوں نے کہا کہ پاکستان، خود دہشت گردی سے شدید متاثر رہا ہے، ایسے حملوں سے معاشروں کو پہنچنے والے درد اور صدمے کو بخوبی سمجھتا ہے۔
President Asif Ali Zardari has expressed sorrow over the tragic shooting in Sydney, conveyed condolences to the victims’ families & wished the injured a speedy recovery. 🇵🇰, itself a victim of terrorism, stands in solidarity with 🇦🇺 & condemns violence against innocent civilians.
— The President of Pakistan (@PresOfPakistan) December 14, 2025
انہوں نے معصوم شہریوں کے خلاف تشدد کی سخت الفاظ میں مذمت کی اور اس مشکل وقت میں آسٹریلیا کی حکومت اور عوام کے ساتھ مکمل یکجہتی کا اظہار کرتے ہوئے دہشت گردی کی تمام صورتوں کے خلاف پاکستان کے اصولی مؤقف کو دہرایا۔
واضح رہے کہ آج آسٹریلیا کے شہر سڈنی میں واقع بونڈائی بیچ پر اتوار کے روز یہودیوں کی ایک مذہبی تقریب کے دوران فائرنگ کے نتیجے میں کم از کم 12 افراد ہلاک اور ایک درجن کے قریب زخمی ہو گئے تھے۔
