ذرائع کے مطابق وزیراعلیٰ کے ہمراہ ایڈووکیٹ جنرل خیبرپختونخوا شاہ فیصل بھی موجود تھے۔ درخواست میں سابق وزیراعظم اور بانی پی ٹی آئی عمران خان سے اڈیالہ جیل میں ملاقات کی اجازت دینے کی استدعا کی جائے گی۔

قانونی ذرائع کا کہنا ہے کہ درخواست اسلام آباد ہائیکورٹ میں دائر کیے جانے کے بعد عدالت سے ملاقات کے حق اور جیل انتظامیہ کی جانب سے عائد پابندیوں سے متعلق احکامات طلب کیے جائیں گے۔

واضح رہے کہ اڈیالہ جیل میں قید بانی پی ٹی آئی سے ملاقاتوں کے حوالے سے مختلف سیاسی رہنماؤں اور پارٹی عہدیداروں کی جانب سے متعدد بار عدالتوں سے رجوع کیا جا چکا ہے۔