وارنر کے وکیل بوبی ہِل نے مئی میں ہونے والی عدالتی سماعت کے بعد کہا تھا کہ ان کے مؤکل اپنی غلطی تسلیم کرتے ہیں اور جانتے ہیں کہ ان کا یہ عمل "غیر ذمہ دارانہ" اور "احمقانہ" تھا۔
وکیل کے مطابق، ایسٹر سنڈے کے روز وارنر نے ایک دوست کے اپارٹمنٹ میں شراب کے تین گلاس پینے کے بعد گاڑی چلانے کا فیصلہ کیا۔
عدالت نے سزا سنانے کے لیے 18 اگست کی تاریخ مقرر کی ہے۔ وارنر کو کم از کم چھ ماہ کے لیے ڈرائیونگ سے نااہلی، 2,200 آسٹریلوی ڈالر تک جرمانہ یا زیادہ سے زیادہ نو ماہ قید کی سزا ہو سکتی ہے۔
ڈیوڈ وارنر 2024 میں بین الاقوامی کرکٹ سے ریٹائر ہو چکے ہیں۔ وہ اس وقت پاکستان سپر لیگ کی ٹیم کراچی کنگز اور آسٹریلیا کی سڈنی تھنڈر ٹیم کے کپتان ہیں۔
کرکٹ نیو ساؤتھ ویلز کے چیف ایگزیکٹو لی جرمن نے اپریل میں الزامات سامنے آنے پر کہا تھا کہ یہ معاملہ تشویش ناک ہے اور ادارہ اسے انتہائی سنجیدگی سے لیتا ہے۔
انہوں نے کہا، "کرکٹ نیو ساؤتھ ویلز محفوظ ڈرائیونگ کی بھرپور حمایت کرتا ہے، شراب پی کر گاڑی چلانے کی نہیں۔"
وارنر کے وکیل بوبی ہِل نے کہا کہ ان کے مؤکل جانتے ہیں کہ انہوں نے غلط فیصلہ کیا۔
مزید پڑھیں: کلیان ایمباپے دو مرتبہ ورلڈ کپ گولڈن بوٹ جیتنے والے دنیا کے پہلے کھلاڑی بن گئے
انہوں نے کہا، "خداوند یسوع مسیح کے جی اٹھنے کے دن ایک گلاس شراب پینا کوئی جرم نہیں، بعض لوگ تو اسے مناسب بھی سمجھتے ہیں۔ اصل جرم یہ تھا کہ انہوں نے اوبر لینے کے بجائے خود گاڑی چلانے کا احمقانہ فیصلہ کیا۔"
انہوں نے مزید کہا، "ان کی غلطی یہ تھی کہ انہوں نے بہتر متبادل اختیار کرنے کے بجائے ایک غیر ذمہ دارانہ فیصلہ کیا۔"
