بابر اعظم نے یہ کارنامہ جنوبی افریقہ کے خلاف لاہور میں کھیلے گئے دوسرے ٹی ٹوئنٹی کے دوران سرانجام دیا، جب انہوں نے اپنی اننگز کا نواں رن مکمل کرتے ہی انڈیا کے سابق کپتان روہت شرما کا ریکارڈ توڑ دیا۔

روہت شرما نے 159 ٹی ٹوئنٹی انٹرنیشنل میچوں میں مجموعی طور پر 4231 رنز بنائے تھے، جب کہ بابر کو یہ ریکارڈ توڑنے کے لیے صرف 9 رنز درکار تھے۔

اس اننگز کے ساتھ ہی بابر اعظم ٹی ٹوئنٹی انٹرنیشنل میں سب سے زیادہ رنز بنانے والے بیٹر بن گئے ہیں، انہوں نے یہ ریکارڈ 130 میچوں کے بعد سرانجام دیا۔

خیال رہے کہ بابر اعظم گزشتہ سال دسمبر میں جنوبی افریقہ کے خلاف سیریز کے بعد مختصر فارمیٹ کی ٹیم سے ڈراپ کر دیے گئے تھے، تاہم ایشیا کپ 2025 میں ٹیم کی ناکامی کے بعد انہیں جنوبی افریقہ کے خلاف ہوم سیریز کے لیے دوبارہ اسکواڈ میں شامل کیا گیا۔