54 سالہ صابری لموشی کی پوزیشن اس وقت خطرے میں پڑ گئی تھی جب ٹیم کو اپنے افتتاحی میچ میں سویڈن کے ہاتھوں 5-1 کی بھاری شکست کا سامنا کرنا پڑا۔

مونٹیری میں کھیلے گئے اس میچ میں سویڈش ٹیم نے تیونس کو یکطرفہ مقابلے کے بعد شکست دے کر اپنے ورلڈ کپ سفر کا شاندار آغاز کیا۔

اس شکست کے بعد تیونس فٹبال فیڈریشن نے باقاعدہ بیان جاری کرتے ہوئے صابری لموشی کی برطرفی کی تصدیق کر دی۔ بیان میں کہا گیا کہ کوچ کو ہٹانے کا فیصلہ باہمی رضامندی سے کیا گیا ہے۔

فیڈریشن کے مطابق اب عارضی طور پر موندر کبیئر کو قومی ٹیم کا عبوری ہیڈ کوچ مقرر کیا گیا ہے، جو ورلڈ کپ کے باقی میچز میں ٹیم کی ذمہ داریاں سنبھالیں گے۔

یوں صرف ایک میچ کے بعد کوچنگ اسٹاف میں ہونے والی بڑی تبدیلی نے تیونس کے ورلڈ کپ سفر کو مزید ہنگامہ خیز بنا دیا ہے۔