نیو چندیگڑھ میں کھیلے گئے میچ میں جنوبی افریقا نے پہلے بیٹنگ کرتے ہوئے چار وکٹوں کے نقصان پر 213 رنز بنائے۔

کوئنٹن ڈی کاک نے دھواں دار 90 رنز کی اننگز کھیل کر انڈین بولنگ کو بے بس کر دیا۔ ڈونوون فریرا اور ڈیوڈ ملر بالترتیب 30 اور 20 رنز بنا کر ناٹ آؤٹ رہے۔

انڈیا کی جانب سے ورون چکرورتی نے دو، جب کہ اکشر پٹیل نے ایک وکٹ حاصل کی۔

ہدف کے تعاقب میں انڈین  بیٹنگ لائن دباؤ کا شکار رہی اور پوری ٹیم آخری اوور میں 162 رنز پر آؤٹ ہوگئی۔

تِلک ورما 62 رنز کے ساتھ نمایاں رہے، تاہم دیگر بیٹرز بڑی اننگز نہ کھیل سکے۔

جنوبی افریقا کے اوٹنل بارٹمن نے چار وکٹیں اڑا دیں، جب کہ مارکو جینسن، اینگیڈی اور لوتھو سیپامالا نے دو، دو شکار کیے۔

سیریز کا تیسرا میچ 14 دسمبر کو دھرمشالا میں ہوگا۔