اطلاعات کے مطابق انہوں نے آسٹریلیا کے خلاف میچ میں 10 اوورز کے اسپیل میں 32 رنز دے کر 5 کھلاڑیوں کو آؤٹ کیا، جبکہ ایک میڈن اوور بھی کرایا۔ اس کارکردگی کے ساتھ وہ پاکستان کے پہلے بولر بن گئے ہیں جنہوں نے اپنے ون ڈے ڈیبیو پر 5 وکٹیں حاصل کیں۔

اس سے قبل یہ ریکارڈ 42 سال تک برقرار رہا تھا، جو سابق پاکستانی بولر زکریا خان کے پاس تھا، جنہوں نے 1984 میں سری لنکا کے خلاف اپنے ڈیبیو پر 19 رنز کے عوض 4 وکٹیں حاصل کی تھیں۔

دیگر نمایاں ڈیبیو پرفارمنس میں عبدالقادر نے 1983 میں سری لنکا کے خلاف 21 رنز دے کر 4 وکٹیں، جبکہ حالیہ برسوں میں ابرار احمد نے 2024 میں زمبابوے کے خلاف 33 رنز کے عوض 4 وکٹیں حاصل کی تھیں۔ اسی طرح سفیان مقیم نے بھی اپنے ڈیبیو پر 4 وکٹیں حاصل کی تھیں، تاہم عرفات منہاس نے 5 وکٹیں لے کر ان سب کو پیچھے چھوڑ دیا۔

کرکٹ ماہرین کے مطابق یہ کارکردگی پاکستان کے اسپن اٹیک کے مستقبل کے لیے مثبت اشارہ ہے اور اس سے ٹیم میں نئی بولنگ آپشنز سامنے آنے کی توقع ہے۔