پاکستان کی جانب سے ابوبکر محمود نے دو گول اسکور کیے، جب کہ افراز محمد اور سفیان خان نے ایک، ایک گول کیا۔ آسٹریا کی طرف سے کیلنر اور اسکوولز نے ایک، ایک گول اسکور کیا۔

پاکستان ہاکی فیڈریشن کے صدر محی الدین وانی، ایڈہاک گورننس و مینجمنٹ کمیٹی کے چیئرمین اولمپین اصلاح الدین صدیقی، اولمپین حسن سردار اور چیف سلیکٹر سمیع اللہ خان نے ورلڈ کپ کوالیفائر راؤنڈ میں ناقابلِ شکست کارکردگی پر قومی ٹیم کو مبارکباد دی اور سیمی فائنل کے لیے نیک خواہشات کا اظہار کیا۔