فائنل میں سہیل عدنان نے چینی حریف کو 11-7، 11-9 اور 11-7 سے شکست دی اور عالمی چیمپئن بننے کا اعزاز حاصل کیا۔ ٹورنامنٹ کے دوران بھی پاکستانی کھلاڑی کی کارکردگی قابلِ تحسین رہی۔

اس سے قبل کوارٹر فائنل میں محمد سہیل عدنان نے انڈیا کے ابھاد سنگھ کو 11-3، 11-9 اور 11-4 سے عبرتناک شکست دی، جب کہ ایشین جونیئر اسکواش چیمپئن شپ میں بھی وہ انڈین کھلاڑی کو ہرا چکے ہیں۔

واضح رہے کہ محمد سہیل عدنان ماضی میں جنوبی کوریا میں ہونے والی 32ویں ایشین انڈر 13 جونیئر اسکواش چیمپئن شپ کے بھی فاتح رہ چکے ہیں۔ محمد سہیل عدنان کی مسلسل کامیابیاں پاکستان کے نوجوان ٹیلنٹ ہنٹ پروگرام کے خوشگوار ثمرات ہیں، جو مستقبل میں پاکستانی اسکواش کے روشن امکانات کی عکاسی کرتی ہیں۔