نیپئیر میں کھیلے گئے پلنکٹ شیلڈ میچ کے دوسرے روز بریٹ رینڈل نے اپنی تیز رفتار بولنگ کے ذریعے حریف ٹیم ناردرن ڈسٹرکٹس کی بیٹنگ لائن کو تہس نہس کر دیا۔ ان کی اس شاندار بولنگ کی بدولت ناردرن ڈسٹرکٹس کی ٹیم صرف 82 رنز بنا کر آؤٹ ہو گئی، جبکہ سینٹرل ڈسٹرکٹس نے پہلی اننگز میں 373 رنز بنائے تھے۔
بریٹ رینڈل نے مجموعی طور پر 25 رنز دے کر سات وکٹیں حاصل کیں جو ان کے کیریئر کی بہترین بولنگ ہے۔ لگاتار پانچ وکٹوں میں نیوزی لینڈ کے اوپنر جیت راول اور فاسٹ بولر کرسٹین کلارک بھی شامل تھے۔
مزید پڑھیں: ٹی ٹوئنٹی ورلڈکپ: نیوزی لینڈ نے جنوبی افریقہ کو شکست دے کر فائنل میں جگہ بنا لی
ماہرین کرکٹ کا کہنا ہے کہ فرسٹ کلاس کرکٹ میں پانچ گیندوں پر پانچ وکٹیں لینا بہت کم دیکھنے کو ملتا ہے اور بریٹ رینڈل کی یہ کارکردگی طویل عرصے تک یاد رکھی جائے گی۔
اس سے قبل پانچ گیندوں پر پانچ وکٹیں لینے کا ریکارڈ ٹی ٹوئنٹی کرکٹ میں آئرلینڈ کے کرٹس کیمفر نے قائم کیا تھا۔
بریٹ رینڈل کی یہ بولنگ نہ صرف ان کے کیریئر کے لیے ایک سنگِ میل ہے بلکہ نیوزی لینڈ کی ڈومیسٹک کرکٹ میں بھی یادگار ریکارڈ کے طور پر برقرار رہے گی۔
