ذرائع کا کہنا ہے کہ سرفراز احمد دونوں ٹیموں کے کوچنگ اسٹاف، ٹریننگ پلانز اور آئندہ ہونے والے غیر ملکی دوروں کے حوالے سے اپنا فیڈ بیک دیں گے، جب کہ وہ بطور کنسلٹنٹ پی سی بی کے ساتھ معاہدے میں بھی ہیں۔

سرفراز احمد نہ صرف ٹیموں کے ساتھ غیر ملکی دوروں پر جائیں گے بلکہ ملک میں ہونے والی ٹریننگ سیشنز اور سیریز کے دوران بھی اسکواڈ کے ہمراہ موجود رہیں گے۔

پی سی بی نے نوجوان کھلاڑیوں کی بہتر رہنمائی اور ایمرجنگ و جونیئر سطح پر مضبوط کمبینیشن بنانے کے لیے یہ اہم فیصلہ کیا ہے۔

ذرائع کے مطابق اس اقدام کا مقصد نوجوان کرکٹرز کو تجربہ کار رہنمائی فراہم کرنا اور مستقبل کے لیے مضبوط بینچ اسٹرینتھ تیار کرنا ہے۔