کھلاڑیوں سے گفتگو کرتے ہوئے چیئرمین پی سی بی محسن نقوی نے کہا کہ حکومت جو بھی فیصلہ کرے گی، اس پر من و عن عمل کیا جائے گا۔ ان کا کہنا تھا کہ سیاست زدہ کرکٹ کسی کے مفاد میں نہیں اور سب کو کرکٹ کے اصولوں کے مطابق چلنا چاہیے۔

سربراہ پی سی بی نے مزید کہا کہ ہمارے کھلاڑی باصلاحیت ہیں اور ہر سطح پر مقابلہ کرنے کی بھرپور صلاحیت رکھتے ہیں۔ کسی بھی میدان میں کامیابی ٹیم ورک کے ذریعے ہی حاصل کی جا سکتی ہے۔

واضح رہے کہ محسن نقوی کی کل وزیراعظم شہباز شریف سے ملاقات متوقع ہے، جس میں ٹی ٹوئنٹی ورلڈ کپ سے متعلق مشاورت کی جائے گی۔ اس حوالے سے محسن نقوی کا کہنا تھا کہ ٹی ٹوئنٹی ورلڈ کپ میں ٹیم بھیجنے کا حتمی فیصلہ وزیراعظم سے مشاورت کے بعد کیا جائے گا۔

 ایک سوال پر محسن نقوی نے کہا تھا کہ 10 مئی کو بھی ایک فیصلہ کیا تھا پھر اس کے بعد نہیں دیکھا کہ آگے کیا ہوگا۔

دوسری جانب کھلاڑیوں کا کہنا ہے کہ وہ سب پی سی بی کے اصولی مؤقف کے ساتھ کھڑے ہیں۔