پاکستان کرکٹ بورڈ کے مطابق، پاکستان، سری لنکا اور زمبابوے کے درمیان سہ فریقی ٹی20 سیریز 18 نومبر سے راولپنڈی میں شروع ہوگی اور 29 نومبر تک جاری رہے گی۔

خیال رہے کہ سیریز کا شیڈول تبدیل کر دیا گیا ہے  پہلے یہ 17 نومبر سے شروع ہونا تھا، تاہم اب تمام میچز سیکیورٹی وجوہات کے باعث راولپنڈی میں ہی کھیلے جائیں گے، جب کہ لاہور میں شیڈول میچز بھی وہیں منتقل کر دیے گئے ہیں۔

اس سے قبل اسلام آباد میں خودکش دھماکے کے بعد سری لنکن کھلاڑیوں نے سیکیورٹی خدشات کا اظہار کیا تھا، تاہم سری لنکن کرکٹ بورڈ نے دورہ پاکستان جاری رکھنے کا اعلان کیا ہے۔

ذرائع کے مطابق، سیکیورٹی خدشات کے پیشِ نظر کم از کم آٹھ سری لنکن کرکٹرز سہ فریقی وائٹ بال سیریز سے دستبردار ہو کر وطن واپس جائیں گے، تاہم بورڈ متبادل کھلاڑی بھیجنے کا منصوبہ رکھتا ہے تاکہ ٹیم مکمل اسکواڈ کے ساتھ سیریز میں حصہ لے سکے۔