امریکی نشریاتی ادارے فاکس نیوز کے مطابق صدر ٹرمپ نے فاکس نیوز سے گفتگو کرتے ہوئے کہا کہ اردن میں امریکی اڈوں پر میزائل حملے کے بعد امریکا ایران کے خلاف سخت کارروائی کرے گا۔

فاکس نیوز کے مطابق ٹرمپ نے کہا کہ ہم انہیں سخت جواب دیں گے، انہیں اس کی بھاری قیمت چکانا پڑے گی۔

رپورٹ کے مطابق صدر ٹرمپ نے اپنے مؤقف پر زور دیتے ہوئے سخت زبان بھی استعمال کی۔

فاکس نیوز نے مزید رپورٹ کیا ہے کہ صدر ٹرمپ نے دعویٰ کیا کہ عراق میں ایران کی حمایت یافتہ گروہوں کے خلاف امریکا اور سعودی عرب کے مشترکہ فضائی حملے عراقی حکومت سے رابطے میں رہ کر کیے گئے۔

یاد رہے کہ اردن کی سرکاری خبر رساں ایجنسی نے چند گھنٹے قبل رپورٹ کیا تھا کہ ملک کی فضائی دفاعی فورسز نے ایران سے داغے گئے پانچ میزائل فضا ہی میں تباہ کر دیے۔

یہ اعلان امریکی فوج کی مرکزی کمان (سینٹکام) کے اس دعوے کے چند گھنٹے بعد سامنے آیا، جس میں کہا گیا تھا کہ ایران کی جانب سے اردن کی سمت داغے گئے تمام میزائلوں کو کامیابی سے روک کر تباہ کر دیا گیا۔