کینیڈین میڈیا کے مطابق مونٹریال میں لبرل پارٹی کے قومی کنونشن سے خطاب کرتے ہوئے وزیراعظم نے قومی خودمختاری اور دفاعی خود انحصاری کو اپنی حکمت عملی کا بنیادی ستون قرار دیا۔

کینیڈا کے وزیراعظم نے ملک کی دفاعی پالیسی میں نمایاں تبدیلی کا عندیہ دیتے ہوئے امریکا پر انحصار کم کرنے اور مقامی فوجی سرمایہ کاری بڑھانے کی ضرورت پر زور دیا ہے۔

انہوں نے واضح طور پر کہا کہ وہ دور گزر چکا ہے جب کینیڈا کے ہر دفاعی ڈالر میں سے 70 سینٹ امریکا کو جاتا تھا۔

وزیراعظم کے مطابق عالمی حالات تیزی سے بدل رہے ہیں، اس لیے کینیڈا اب ماضی کے اتحادوں پر مکمل انحصار نہیں کر سکتا اور ضروری ہے کہ امریکا پر دفاعی انحصار کم کرتے ہوئے مقامی فوجی صلاحیتوں میں اضافہ کیا جائے۔