قطر کے امیر شیخ تمیم بن حمد الثانی نے وزیراعظم شہباز شریف سے ٹیلیفونک رابطہ کیا، جس میں دونوں رہنماؤں نے پاکستان اور قطر کے دوطرفہ تعلقات پر اطمینان کا اظہار کیا اور انہیں مزید مضبوط بنانے کے عزم کا اعادہ کیا۔

دونوں رہنماؤں کے درمیان مشرقِ وسطیٰ کی تازہ صورتحال اور خطے میں بڑھتی کشیدگی پر بھی تفصیلی گفتگو ہوئی۔

وزیراعظم شہباز شریف نے خطے میں امن، مذاکرات اور کشیدگی کے خاتمے کے لیے قطر کے مثبت اور تعمیری کردار کو سراہا۔

انہوں نے کہا کہ پاکستان بھی علاقائی امن و استحکام کو فروغ دینے کے لیے اپنا کردار ادا کرتا رہے گا۔

دونوں رہنماؤں نے آئندہ دنوں میں باہمی رابطے جاری رکھنے اور قریبی مشاورت برقرار رکھنے پر اتفاق کیا۔