آل پاکستان جیمز اینڈ جیولرز ایسوسی ایشن کے مطابق ملک میں 24 قیراط فی تولہ سونے کی قیمت میں 3 ہزار 200 روپے کا اضافہ ہوا، جس کے بعد نئی قیمت 4 لاکھ 32 ہزار 336 روپے مقرر ہوگئی۔
اسی طرح 10 گرام سونے کے نرخ میں بھی 2 ہزار 744 روپے کا اضافہ ریکارڈ کیا گیا، جس کے بعد 10 گرام سونا 3 لاکھ 70 ہزار 658 روپے میں فروخت ہونے لگا۔
دوسری جانب بین الاقوامی بلین مارکیٹ میں بھی سونے کی قیمت میں اضافہ دیکھا گیا ہے۔ عالمی بازار میں فی اونس سونا 32 ڈالر مہنگا ہونے کے بعد 4 ہزار 98 ڈالر کی سطح پر پہنچ گیا۔
عالمی مارکیٹ میں سونے کے نرخوں میں اتار چڑھاؤ کے اثرات پاکستان کی مقامی مارکیٹ پر بھی مرتب ہوتے ہیں، جس کے باعث صرافہ بازار میں قیمتیں تبدیل ہوتی رہتی ہیں۔ حالیہ اضافے کے بعد زیورات کی خریداری کرنے والے صارفین کو فی تولہ اور 10 گرام سونے کے لیے پہلے سے زیادہ رقم خرچ کرنا ہوگی۔
واضح رہے کہ سونے کی قیمتوں میں روزانہ کی بنیاد پر تبدیلی عالمی مارکیٹ کے نرخوں اور مقامی صرافہ مارکیٹ کے حالات کے مطابق ہوتی ہے۔
