وزارتِ خارجہ کے ایکس اکاؤنٹ پر جاری بیان کے مطابق اسحٰق ڈار ماسکو میں منعقد ہونے والے دو روزہ ایس سی او سربراہانِ حکومت اجلاس میں پاکستان کی نمائندگی کریں گے۔
Deputy Prime Minister / Foreign Minister @MIshaqDar50 of Pakistan, H.E. Senator Mohammad Ishaq Dar arrived in Moscow today to attend the Shanghai Cooperation Organisation-Council of Heads of Government (SCO-CHG) meeting from November 17-18, 2025. At the airport, DPM / FM was… pic.twitter.com/uZZ6uG9UPd
— Ministry of Foreign Affairs - Pakistan (@ForeignOfficePk) November 17, 2025
ماسکو ایئرپورٹ پر اسحٰق ڈار کا استقبال روس کے نائب وزیرِ خارجہ مکائل گالوزِن، ڈپٹی ڈائریکٹر اسٹیٹ پروٹوکول الیگزینڈر پروسوُف، روسی وزارتِ خارجہ کے سیکنڈ ایشیا ڈپارٹمنٹ کے ڈپٹی ڈائریکٹر الیگزی سُروفٹسِیف اور پاکستان کے سفارتخانے کے افسران نے کیا۔
شنگھائی تعاون تنظیم (ایس سی او) کا سربراہانِ حکومت کونسل اجلاس 17 سے 18 نومبر تک جاری رہے گا، جس میں رکن ممالک کے درمیان علاقائی تعاون، اقتصادی روابط اور باہمی شراکت داری کے امور پر اہم گفتگو متوقع ہے۔
