یہ آبدوز بحری قوت، دفاعی خود اعتمادی اور جدید عسکری صلاحیتوں کی نئی علامت سمجھی جا رہی ہے۔ ہنگور کلاس آبدوز جدید ترین ائیر اِنڈیپنڈنٹ پروپلشن ٹیکنالوجی، جدید سونار سسٹمز، اسٹیلتھ ڈیزائن اور طویل دورانیے تک زیرِ آب آپریشنز کی صلاحیت سے لیس ہے۔

یاد رہے کہ ایک ماہ قبل پاک بحریہ کی پہلی ہنگور کلاس آبدوز کی کمیشننگ تقریب چین میں منعقد ہوئی تھی۔

اس موقع پر نیول چیف ایڈمرل نوید اشرف نے اپنے خطاب میں کہا تھا کہ اہم بحری راستوں میں تعطل عالمی تجارت اور توانائی کی ترسیل کے لیے بڑا خطرہ ہے، جبکہ یہ آبدوزیں بحیرۂ عرب میں اہم سمندری تجارتی گزرگاہوں کی سیکیورٹی یقینی بنانے میں اہم کردار ادا کریں گی۔