تفصیلات کے مطابق صدر میں واقع النجیبی موبائل مارکیٹ کی ساتویں منزل پر آگ لگی، جس نے دیکھتے ہی دیکھتے شدت اختیار کر لی۔ آگ لگنے کی اطلاع ملتے ہی فائر بریگیڈ کی گاڑیاں فوری طور پر جائے وقوعہ پر پہنچ گئیں اور امدادی کارروائیاں شروع کر دی گئیں۔

آتشزدگی کے باعث مارکیٹ کے اطراف کی سڑکوں کو ٹریفک کے لیے بند کر دیا گیا ہے، جب کہ ٹریفک کو متبادل راستوں سے گزارا جا رہا ہے۔ بمبینو چوک سے گرامر اسکول اور گلزار چوک سے ایمپریس مارکیٹ کی جانب ٹریفک موڑا جا رہا ہے۔

فائر بریگیڈ حکام کے مطابق آگ پر قابو پانے کے لیے اسنارکل بھی طلب کر لی گئی ہے۔ حکام کا کہنا ہے کہ عمارت کے اندر کچھ افراد کے پھنسے ہونے کی اطلاعات ہیں، جب کہ آگ کی لپیٹ میں آ کر متعدد گاڑیاں بھی متاثر ہو چکی ہیں۔ ریسکیو ادارے صورتحال پر قابو پانے کے لیے بھرپور کوششیں کر رہے ہیں۔