گفتگو کے دوران وزیراعظم نے چین میں منعقد ہونے والے ’ٹو سیشنز‘ کی کامیاب تکمیل پر چینی قیادت کو مبارکباد دی اور صدر شی جن پنگ، وزیر اعظم لی کیانگ اور وزیر خارجہ وانگ یی کا یوم پاکستان کے موقع پر تہنیتی پیغامات پر شکریہ ادا کیا۔ انہوں نے پاکستان کی معاشی ترقی میں چین کے مستقل تعاون کو سراہتے ہوئے زراعت، صنعت اور انفراسٹرکچر کے ترجیحی منصوبوں کے ساتھ سی پیک 2.0 کو آگے بڑھانے کے عزم کا اعادہ کیا۔
چینی سفیر جیانگ زیڈونگ نے پاکستان کی معاشی بہتری اور اصلاحاتی اقدامات کی تعریف کی اور تجارت و سرمایہ کاری کے شعبوں میں تعاون جاری رکھنے کے عزم کا اظہار کیا۔ دونوں جانب سے جاری اعلیٰ سطح روابط پر اطمینان کا اظہار کیا گیا اور پاک چین سفارتی تعلقات کی 75ویں سالگرہ کے موقع پر مزید روابط بڑھانے پر اتفاق کیا گیا۔
وزیراعظم محمد شہبازشریف سے عوامی جمہوریہ چین کے سفیر عزت مآب جیانگ زیڈونگ نے آج وزیراعظم ہاؤس میں ملاقات کی۔ نائب وزیراعظم/وزیر خارجہ سینیٹر محمد اسحاق ڈار, وزیراعظم کے معاون خصوصی سید طارق فاطمی اور سیکرٹری خارجہ بھی موجود تھے۔ @KulAalam @pmln_org #China pic.twitter.com/7qt9Z27bNV
— Media Talk (@mediatalk922) March 26, 2026
علاقائی صورتحال پر تبادلہ خیال کرتے ہوئے وزیراعظم نے خطے میں کشیدگی کم کرنے اور استحکام کے فروغ میں پاکستان کے مثبت کردار کو اجاگر کیا۔ انہوں نے باہمی دلچسپی کے امور پر قریبی رابطہ برقرار رکھنے اور پاک چین آل ویدر اسٹریٹجک کوآپریٹو پارٹنرشپ کو مزید مضبوط بنانے کے عزم کا اعادہ کیا۔
