رپورٹ میں کہا گیا ہے کہ یوکرین جنگ اور افریقی خطے کی خبروں کے ساتھ ساتھ ایشیا سے موصولہ تازہ صورتحال میں بھارت کی طالبان کے ساتھ سفارتی اور سیاسی رابطہ کاری نے پاکستان اور افغانستان کے درمیان حالات مزید پیچیدہ کر دیے ہیں۔
مبصرین کا کہنا ہے کہ دونوں ممالک ممکنہ فوجی محاذ آرائی کی جانب بڑھتے دکھائی دے رہے ہیں۔ منگل کو مشرقی افغانستان میں ہونے والے فضائی حملے میں 9 بچوں سمیت متعدد افراد جاں بحق ہوئے، جس کے بعد سوگوار خاندان اپنے پیاروں کی قبروں پر مٹی ڈالتے دکھائی دیے۔
خطے میں تیزی سے بدلتی صورتحال نہ صرف سرحدی سکیورٹی کو خطرے میں ڈال رہی ہے بلکہ علاقائی طاقتوں کے اثر و رسوخ کی نئی جنگ بھی ابھر رہی ہے۔
