اقوام متحدہ کی اینالیٹیکل سپورٹ اینڈ سینکشنز مانیٹرنگ ٹیم کی رپورٹ کے مطابق سلطان عزیز عزام داعش خراسان کا ترجمان تھا اور اسی نے تنظیم کے میڈیا ونگ کی بنیاد رکھی تھی۔ رپورٹ میں بتایا گیا ہے کہ سلطان عزیز عزام کو پاکستان کی انٹیلی جنس ایجنسی نے ایک کامیاب کارروائی کے دوران گرفتار کیا۔
رپورٹ کے مطابق سلطان عزیز عزام سے منسلک العزام فاؤنڈیشن داعش خراسان کی بھرتی اور پروپیگنڈا سرگرمیوں کی مرکزی تنظیم سمجھی جاتی تھی۔ سلطان عزیز عزام کی گرفتاری کے بعد داعش خراسان کی میڈیا سرگرمیاں مؤثر طور پر معطل ہو گئی ہیں۔
Azzam, who held the position of IS-K spokesperson since the group first established itself in Afghanistan in 2015, was arrested in the border region by Pakistani authorities in May this year.https://t.co/avIDsKJM7L
— Dawn.com (@dawn_com) December 18, 2025
اقوام متحدہ کی رپورٹ میں مزید کہا گیا ہے کہ پاکستان کی اس کارروائی سے داعش خراسان کے تنظیمی ڈھانچے کو عالمی سطح پر شدید نقصان پہنچا ہے۔ اس کے نتیجے میں تنظیم کے متعدد دہشت گرد حملوں کے منصوبے ناکام بنائے گئے، کئی اہم کمانڈرز اور نظریاتی رہنما ہلاک کیے گئے, جب کہ تنظیم کے جنگجوؤں کی تعداد میں بھی نمایاں کمی آئی ہے۔
رپورٹ کے مطابق پاکستان کی جانب سے کی گئی یہ کارروائی خطے میں دہشت گردی کے خلاف جاری کوششوں میں ایک اہم پیش رفت قرار دی جا رہی ہے۔
