ترجمان کے مطابق پاکستان چین کے بنیادی مفادات سے متعلق تمام امور، بشمول تائیوان، پر اپنی مستقل اور غیر متزلزل حمایت کا اعادہ کرتا ہے۔ انہوں نے کہا کہ پاکستان ون چائنا پالیسی پر کاربند رہے گا اور تائیوان کو چین کا ناقابلِ تقسیم حصہ سمجھتا ہے۔

ترجمان وزارتِ خارجہ کا کہنا تھا کہ پاکستان خطے میں امن و استحکام کے لیے اپنے اصولی مؤقف پر قائم ہے اور چین کے ساتھ اسٹریٹجک شراکت داری کو مزید مضبوط بنانے کے لیے پُرعزم ہے۔