بلاول بھٹو نے مسلم لیگ (ن) پر گلگت بلتستان کے انتخابات چوری کرنے کی کوشش کا الزام عائد کرتے ہوئے کہا کہ یہ نہیں ہو سکتا کہ مسلم لیگ (ن) ان کی جماعت کا مینڈیٹ چوری کرے اور وہ ایوان میں بیٹھ کر تالیاں بجاتے رہیں۔

انہوں نے اعلان کیا کہ پاکستان پیپلز پارٹی نے وفاقی بجٹ اجلاس کے بائیکاٹ کا فیصلہ کیا ہے۔ جب تک عوامی مینڈیٹ کا احترام نہیں کیا جاتا، ان کی جماعت احتجاج جاری رکھے گی۔

بلاول بھٹو نے کہا کہ پیپلز پارٹی گلگت بلتستان میں عوامی حمایت کے بل بوتے پر حکومت بنائے گی اور انتخابی نتائج کو تبدیل کرنے کی کسی بھی کوشش کی مخالفت کرے گی۔