صدر کے مطابق پاکستان گزشتہ 6 دہائیوں سے اقوام متحدہ کے امن مشنز میں نمایاں کردار ادا کر رہا ہے اور اب تک 2 لاکھ 70 ہزار سے زائد پاکستانی اہلکار 4 براعظموں میں 48 امن مشنز میں خدمات انجام دے چکے ہیں۔ انہوں نے کہا کہ پاکستانی خواتین امن اہلکار بھی ان مشنز میں بڑھ چڑھ کر حصہ لے رہی ہیں۔

پیغام میں کہا گیا کہ پاکستان اقوام متحدہ کے قدیم ترین امن مشنز میں سے ایک کی میزبانی بھی کر رہا ہے، جو مسئلہ جموں اینڈ کشمیر کے منصفانہ حل کی عالمی ذمہ داری کو اجاگر کرتا ہے۔

صدر نے کہا کہ جنگ زدہ علاقوں میں اقوام متحدہ کے امن محافظ شہریوں کے تحفظ، انسانی امداد کی فراہمی اور بنیادی خدمات کی بحالی میں اہم کردار ادا کرتے ہیں۔

پاکستان نے عالمی امن اور استحکام کے لیے اقوام متحدہ کے امن مشنز کی مکمل حمایت جاری رکھنے کے عزم کا اعادہ بھی کیا۔