گفتگو کے دوران فرانسیسی صدر نے پاکستان کی جانب سے ایران اور امریکا کے درمیان جنگ بندی کرانے اور دونوں فریقین کو مذاکرات کی میز پر لانے کی سفارتی کوششوں کو سراہا اور وزیراعظم کو مبارکباد دی۔

صدر میکرون نے اسلام آباد میں ہونے والے آئندہ امن مذاکرات کی کامیابی کے لیے نیک خواہشات کا اظہار بھی کیا۔

وزیراعظم شہباز شریف نے فرانسیسی صدر کا شکریہ ادا کرتے ہوئے کہا کہ پاکستان خطے میں امن اور استحکام کے لیے اپنی سفارتی کوششیں جاری رکھے گا۔

دونوں رہنماؤں نے لبنان میں جاری اسرائیلی حملوں پر گہری تشویش کا اظہار کیا اور اس بات پر زور دیا کہ خطے میں امن کی بحالی کے لیے فوری طور پر تشدد اور خونریزی کا خاتمہ ضروری ہے۔

گفتگو کے اختتام پر دونوں رہنماؤں نے باہمی رابطے برقرار رکھنے پر اتفاق کیا۔