مہینے کا آغاز یکم مئی کو یومِ مزدور سے ہوگا، جو جمعہ کے روز ہے۔ اس کے ساتھ ہفتہ اور اتوار 2 اور 3 مئی کو ویک اینڈ ہونے کے باعث شہریوں کو تین روزہ تعطیل میسر آئے گی۔
اس کے بعد توجہ عیدالاضحیٰ پر مرکوز ہے، جو اسلامی کیلنڈر کے مطابق ذوالحج کے چاند کی رویت سے مشروط ہے۔ پاکستان میں چاند دیکھنے کا اعلان مرکزی رویت ہلال کمیٹی کرتی ہے، جس کی سربراہی مولانا عبدالخبیر آزاد کر رہے ہیں۔
اگر 17 مئی کو ذوالحج کا چاند نظر آ جاتا ہے تو عیدالاضحیٰ 27 سے 29 مئی کے درمیان ہونے کا امکان ہے۔ اس دوران قریبی ویک اینڈ شامل ہونے کی صورت میں شہریوں کو پانچ دن تک مسلسل تعطیلات مل سکتی ہیں۔
تاہم اگر چاند نظر نہ آیا اور ذوالحج کے 30 دن مکمل ہوتے ہیں تو عید 28 سے 30 مئی تک ہو سکتی ہے، جبکہ 31 مئی بروز اتوار اس تعطیل کو مزید بڑھا سکتا ہے۔
اس کے علاوہ یہ قیاس آرائیاں بھی کی جا رہی ہیں کہ اگر حکومت پیر 25 مئی کو اضافی چھٹی کا اعلان کرتی ہے تو 23 اور 24 مئی کے ویک اینڈ کے ساتھ ملا کر مزید طویل تعطیلات ممکن ہو سکتی ہیں۔
عیدالاضحیٰ کی تعطیلات کا حتمی اعلان 17 مئی کو مرکزی رویت ہلال کمیٹی کے اجلاس کے بعد کیا جائے گا، جس میں ذوالحج کے آغاز اور عید کی درست تاریخ کا فیصلہ کیا جائے گا۔
