آئی فون 17ای کو آئی فون 17 سیریز کا سب سے سستا ماڈل قرار دیا جا رہا ہے۔ اس میں اب 256 جی بی اسٹوریج بطور اسٹینڈرڈ دی گئی ہے، جو گزشتہ نسل کے مقابلے میں دگنی ہے اور وہ بھی اسی قیمت پر ہے۔ یہ اضافہ اُن صارفین کے لیے مفید ہے جو 4کے ویڈیوز بناتے ہیں یا بڑی ایپس اور تصاویر محفوظ کرتے ہیں۔
نیا فون ایپل کی جدید اے19چپ پر چلتا ہے، جو 3 نینو میٹر ٹیکنالوجی پر تیار کی گئی ہے۔ اس میں 6 کور سی پی یو اور 4 کور جی پی یو شامل ہیں۔
کمپنی کا دعویٰ ہے کہ یہ چپ آئی فون 11 کے مقابلے میں دو گنا تک بہتر کارکردگی فراہم کرتی ہے۔ اس کے علاوہ 16 کور نیورل انجن آن ڈیوائس اے آئی پراسیسنگ کو سپورٹ کرتا ہے۔
ایپل نے اس ماڈل میں اپنا نیا سیلولر موڈیم C1X بھی متعارف کرایا ہے، جو 5 جی سپورٹ فراہم کرتا ہے۔ کمپنی کے مطابق یہ موڈیم پچھلے ورژن کے مقابلے میں دو گنا تیز اور 30 فیصد کم توانائی استعمال کرتا ہے۔
ڈسپلے: زیادہ روشن اور مضبوط
آئی فون 17ای میں 6.1 انچ کا سپر ریٹینا ایکس ڈی آر اولیڈ ڈسپلے دیا گیا ہے، جو 1200 نٹس تک ایچ ڈی آر برائٹنیس فراہم کرتا ہے، جس سے دھوپ میں بھی اسکرین واضح دکھائی دیتی ہے۔
فرنٹ گلاس پر سیریمک شیلڈ 2 استعمال کی گئی ہے جس کے بارے میں دعویٰ ہے کہ یہ پہلے سے تین گنا زیادہ اسکریچ ریزسٹنٹ ہے۔ ڈیوائس ایرو اسپیس گریڈ ایلومینیم باڈی اور آئی پی 68 ریٹنگ کے ساتھ پیش کی گئی ہے۔
بیٹری، چارجنگ اور کیمرہ
کمپنی کے مطابق نئی اے 19 چپ اور سی 1 ایکس موڈیم کی بدولت بیٹری لائف میں نمایاں بہتری آئی ہے اور صارفین کو پورا دن بیٹری بیک اپ ملے گا۔
فون یو ایس بی سی فاسٹ چارجنگ سپورٹ کرتا ہے جو تقریباً 30 منٹ میں 50 فیصد تک چارج کر دیتا ہے۔ میگ سیف اور کیو آئی 2 وائرلیس چارجنگ بھی دستیاب ہے۔
مزید پڑھیں: فون بدلنے کا جھنجھٹ ختم؟ سیم سنگ نے چھ سالہ اپڈیٹس کے ساتھ نیا فون لانچ کر دیا
کیمرہ کے حوالے سے 48 میگا پکسل فیوژن کیمرہ شامل کیا گیا ہے جو فل ریزولوشن یا 24 میگا پکسل بیلنسڈ موڈ میں تصاویر لے سکتا ہے۔ 2ایکس آپٹیکل کوالٹی زوم اور بہتر پورٹریٹ موڈ بھی دیا گیا ہے۔
ویڈیو ریکارڈنگ 4K ڈولبی وژن 60 فریم فی سیکنڈ پر ممکن ہے، جب کہ سیٹلائٹ کنیکٹیویٹی کے ذریعے ایمرجنسی ایس او ایس اور دیگر سہولیات بھی دستیاب ہیں۔
آئی پیڈ ایئر ایم 4: زیادہ طاقت، بڑی اسکرین
ایپل نے ایم 4 چپ سے لیس نیا آئی پیڈ ایئر بھی متعارف کرایا ہے۔ 11 انچ ماڈل کی ابتدائی قیمت برقرار رکھی گئی ہے۔ یہ ڈیوائس نیلا، جامنی، اسٹارلائٹ اور اسپیس گرے رنگوں میں دستیاب ہوگی، جب کہ اسٹوریج 128 جی بی سے لے کر 1 ٹی بی تک دی گئی ہے۔
نئی ایم4 چپ میں 8 کور سی پی یو اور 9 کور جی پی یو شامل ہیں، جو ایم 3 ماڈل کے مقابلے میں 30 فیصد جب کہ ایم 1 کے مقابلے میں 2.3 گنا زیادہ کارکردگی فراہم کرتی ہے۔
یونیفائیڈ میموری کو بڑھا کر 12 جی بی کر دیا گیا ہے، جس سے ملٹی ٹاسکنگ اور اے آئی ورک لوڈز بہتر طریقے سے انجام دیے جا سکیں گے۔
ڈسپلے اور کنیکٹیویٹی
آئی پیڈ ایئر 11 اور 13 انچ لیکوئیڈ ریٹینا ڈسپلے کے ساتھ دستیاب ہے۔ بڑی 13 انچ اسکرین اسپلٹ اسکرین پروڈکٹیوٹی اور کانٹینٹ ایڈیٹنگ کے لیے موزوں قرار دی جا رہی ہے۔
بیٹری لائف بدستور آل ڈے استعمال کے لیے ڈیزائن کی گئی ہے۔ وائی فائی 7 سپورٹ کے لیے این 1 وائرلیس چپ شامل کی گئی ہے، جب کہ سیلولر ماڈلز میں سی 1 ایکس موڈیم، 5 جی اور جی پی ایس سپورٹ فراہم کی گئی ہے۔
آئی پیڈ او ایس 26 اور دیگر فیچرز
نیا آئی پیڈ ایئر آئی پیڈ او ایس 26 پر چلتا ہے جس میں نیا انٹرفیس، بہتر ملٹی ٹاسکنگ سسٹم اور فائلز ایپ میں اپ گریڈ شامل ہیں۔ پی ڈی ایف دیکھنے اور ایڈیٹ کرنے کے لیے نئی پری ویو ایپ بھی متعارف کرائی گئی ہے۔
ڈیوائس ایپل پینسل پرو اور میجک کی بورڈ کو سپورٹ کرتی ہے، جس سے یہ لیپ ٹاپ جیسا تجربہ فراہم کرتی ہے۔
ٹیک ماہرین کے مطابق آئی فون 17e اور ایم 4 آئی پیڈ ایئر کی لانچنگ سے واضح ہوتا ہے کہ ایپل قیمت برقرار رکھتے ہوئے صارفین کو اپ گریڈ کی جانب راغب کرنا چاہتا ہے۔
