رپورٹس کے مطابق مظاہرین نے انڈین فوجی گاڑی کو نقصان پہنچایا اور فوجیوں پر زدوکوب بھی کیا۔ مقامی افراد نے فوجی افسران کو کھلے عام دھمکیاں دیتے ہوئے مطالبہ کیا کہ چیک پوسٹیں ہٹائی جائیں۔

مظاہرین کا کہنا تھا کہ اگر فوجی چیک پوسٹیں نہ ہٹائی گئیں تو عوام خود کارروائی کریں گے۔ مقامی افراد نے انڈین آرمی گو بیک کے نعرے بھی لگائے اور الزام عائد کیا کہ انڈین فوج کی موجودگی خطے میں کشیدگی کو بڑھا رہی ہے۔

اطلاعات کے مطابق بعض علاقوں میں عوامی دباؤ کے باعث انڈین فوج کو پیچھے ہٹنا پڑا، جس سے سکیورٹی صورتحال مزید غیر یقینی ہو گئی ہے۔

دفاعی ماہرین کا کہنا ہے کہ منی پور میں بڑھتی ہوئی بے چینی انڈیا کے اندرونی سکیورٹی چیلنجز کو ظاہر کرتی ہے۔ ان کا کہنا ہے کہ اگر سیاسی اور سماجی مسائل کو بات چیت کے ذریعے حل نہ کیا گیا تو صورتحال مزید بگڑ سکتی ہے۔

منی پور میں عوام اور انڈین فورسز کے درمیان نفرت اور فاصلے میں واضح اضافہ ہو رہا ہے، جس سے خطے کی مجموعی سکیورٹی صورتحال کشیدہ اور نازک ہو گئی ہے۔