فاتح بیرول کے مطابق آئی ای اے کے رکن ممالک نے ہماری ایجنسی کی تاریخ میں تیل کے ہنگامی ذخائر کی اب تک کی سب سے بڑی ریلیز شروع کرنے کے لیے متفقہ طور پر ووٹ دیا ہے۔

آئی ای اے کے بیان میں کہا گیا ہے کہ اس کے تمام 32 رکن ممالک نے اس اقدام کی حمایت کی ہے۔

فاتح بیرول کا کہنا تھا کہ عالمی تیل منڈی کو جس نوعیت اور پیمانے کے چیلنجوں کا سامنا ہے، اس کی مثال ماضی میں کم ہی ملتی ہے۔

آئی ای اے کے مطابق ہنگامی ذخائر سے تیل کی فراہمی ہر رکن ملک کے قومی حالات کے مطابق اور مقررہ وقت پر مارکیٹ میں فراہم کی جائے گی۔

واضح رہے کہ یہ چھٹا موقع ہے جب آئی ای اے نے تیل کے ذخائر کے مربوط اجرا کی منظوری دی ہے۔ اس سے قبل 1991، 2005 اور 2011 میں ایک ایک مرتبہ، جب کہ 2022 میں دو مرتبہ ایسے اقدامات کیے جا چکے ہیں۔