تفصیلات کے مطابق امریکی صدر کی جانب سے دیے گئے عشائیے کے دوران اپنے خطاب میں بادشاہ چارلس نے ٹرمپ کے اس بیان کا حوالہ دیا، جس میں انہوں نے کہا تھا کہ اگر امریکا نہ ہوتا تو یورپی ممالک جرمن زبان بول رہے ہوتے۔
بادشاہ چارلس نے ٹرمپ کو مخاطب کرتے ہوئے کہا کہ آپ نے حال ہی میں کہا کہ اگر امریکا نہ ہوتا تو یورپ جرمن بول رہا ہوتا، تو میں بھی یہ کہنے کی جسارت کرتا ہوں کہ اگر ہم نہ ہوتے تو آپ فرانسیسی زبان بول رہے ہوتے۔
برطانوی بادشاہ نے اس موقع پر شمالی امریکا میں برطانوی اور فرانسیسی نوآبادیاتی تاریخ کا حوالہ دیا، جہاں دونوں طاقتوں کے درمیان امریکا کی آزادی سے قبل 250 برس تک مقابلہ جاری رہا۔
King Charles III:
— Clash Report (@clashreport) April 29, 2026
Indeed, you recently commented, Mr. President, that if it were not for the United States, European countries would be speaking German.
Dare I say that if it wasn t for us, you d be speaking French. pic.twitter.com/86cQS14McX
یاد رہے کہ ٹرمپ نے جنوری میں ڈیووس اجلاس کے دوران یورپ کے حوالے سے کہا تھا کہ اگر دوسری جنگِ عظیم میں امریکا مدد نہ کرتا تو آپ جرمن اور کچھ جاپانی زبان بول رہے ہوتے۔
