ایرانی خبر رساں ایجنسی فارس کے مطابق پاسداران انقلاب کا کہنا ہے کہ اردن کے الازرق ایئربیس پر کیے گئے حملے میں تین ایف-35 اسٹیلتھ جنگی طیارے مکمل طور پر تباہ ہو گئے، جبکہ مزید تین طیاروں کو شدید نقصان پہنچا۔ بیان کے مطابق حملے میں بیلسٹک میزائل استعمال کیے گئے جنہوں نے بیس کے مینٹیننس ہینگر اور ڈیولپمنٹ ریمپ کو نشانہ بنایا۔
Iran s IRGC says it destroyed three F-35s at Muwaffaq Salti Air Base in Jordan
— The Cradle (@TheCradleMedia) July 30, 2026
——
▪ The IRGC said the operation was launched in response to a US airstrike on two residential homes on Qeshm Island, which killed a father, mother, and one child, while wounding two other children.… pic.twitter.com/Jjemow1xZr
پاسداران انقلاب نے ایک اور بیان میں دعویٰ کیا کہ کویت کے علی ال سلیم ایئربیس پر حملے کے دوران امریکی فوج کے متعدد ہیلی کاپٹرز تباہ ہوئے، جبکہ دو ڈرون ہینگرز اور ایک ایندھن کا ذخیرہ بھی آگ لگنے سے تباہ ہو گیا۔
دوسری جانب خلیج تعاون کونسل (جی سی سی) نے کویت اور اردن پر ایرانی حملوں کی شدید مذمت کرتے ہوئے انہیں دونوں ممالک کی خودمختاری اور بین الاقوامی قوانین کی خلاف ورزی قرار دیا ہے۔
جی سی سی کے سیکریٹری جنرل جسیم محمد البداوی نے کہا کہ یہ حملے خطے کے امن اور استحکام کے لیے سنگین خطرہ ہیں۔ انہوں نے کویت اور اردن کے ساتھ مکمل یکجہتی کا اظہار کرتے ہوئے ان کی سلامتی اور خودمختاری کے تحفظ کے لیے بھرپور تعاون کی یقین دہانی بھی کرائی۔
