عامر خان اور گوری اسپرٹ کی شادی اتوار کو ممبئی میں واقع اداکار کی رہائش گاہ پر سادگی سے ہوگی۔

اس حوالے سے عامر خان نے میڈیا کو دیے گئے ایک انٹرویو میں بتایا کہ 5 جولائی ایک خاص دن ہے۔ انہوں نے کہا کہ 5 تاریخ کو شادی ہو رہی ہے۔ شادی کی ایک مختصر تقریب کا اہتمام گھر میں ہی کیا گیا ہے، جس میں دونوں خاندانوں کے افراد اور چند قریبی دوست شریک ہوں گے۔

انہوں نے مزید کہا کہ ہمیں سب کی دعاؤں کی ضرورت ہے تاکہ ہم خوش رہیں اور ہماری زندگی کا یہ سفر اچھا گزرے۔

انڈین میڈیا کے مطابق اداکار نے اس مختصر اور نجی تقریب کے لیے مہمانوں کی فہرست اور کھانے کے مینیو کو ذاتی طور پر حتمی شکل دی ہے۔

شادی میں دونوں خاندانوں اور دوستوں سمیت تقریباً 100 سے 150 افراد شرکت کریں گے، جب کہ عامر خان اور گوری نے اپنے پسندیدہ کھانوں کا انتخاب کیا ہے۔

واضح رہے کہ عامر خان نے اپنی 60ویں سالگرہ کے موقع پر پہلی بار گوری اسپرٹ کو متعارف کرایا تھا اور باضابطہ طور پر ان کے ساتھ اپنے تعلق کی تصدیق کی تھی۔

عامر خان نے اپنی پہلی اہلیہ رینا دتہ سے 1986 میں شادی کی تھی، جو 2022 میں ختم ہوگئی، جب کہ دوسری اہلیہ کرن راؤ سے انہوں نے 2005 میں شادی کی، جو 2021 میں علیحدگی پر اختتام پذیر ہوئی۔