یہ تبدیلی 2007 میں پہلے آئی فون کی پیشکش کے بعد کمپنی کی تاریخ میں سب سے بڑی تبدیلی قرار دی جا رہی ہے۔
آئی پیڈ جیسے ڈیزائن کا حامل فولڈ ایبل آئی فون پاسپورٹ کی طرح کھل کر تقریباً دوگنا بڑا ہو جاتا ہے۔
ایپل کے نئے چیف ایگزیکٹو جان ٹرنس نے 9 ستمبر کی شب ایک تقریب کے دوران آئی فون ڈو پیش کرتے ہوئے کہا کہ یہ نئے ڈیزائن والا آئی فون ہے، تاہم اس میں وہ تمام خصوصیات موجود ہیں جو صارفین آئی فون میں پسند کرتے ہیں۔
انہوں نے کہا کہ ایپل نے برسوں تک فولڈ ایبل ڈیزائن کو بہترین انداز میں تیار کرنے پر کام کیا۔ ان کے بقول دیگر کمپنیوں نے ایسے فولڈ ایبل فونز تیار کیے جو بظاہر 2 فونز کو ایک ساتھ جوڑنے جیسے لگتے ہیں اور ان کا استعمال بھی زیادہ بہتر محسوس نہیں ہوتا۔
اگرچہ دیگر کمپنیوں کی جانب سے کافی عرصے سے فولڈ ایبل اسمارٹ فونز پیش کیے جا رہے ہیں، تاہم یہ ایپل کا پہلا فولڈ ایبل آئی فون ہے۔
جان ٹرنس نے دعویٰ کیا کہ آئی فون ڈو فولڈ ایبل فون کے استعمال کے تجربے کو تبدیل کر دے گا۔
اس فون میں ایپل کا نیا اے 20 پرو چپ سیٹ موجود ہے، جبکہ یہ آئی او ایس 27 آپریٹنگ سسٹم سے لیس ہے۔
آئی فون ڈو کی بیرونی اسکرین 5.4 انچ کی ہے، جبکہ فون کھولنے پر 7.6 انچ کا ڈسپلے سامنے آتا ہے۔
فون میں 12 جی بی ریم دی گئی ہے، جبکہ فرنٹ کیمرا 12 میگا پکسل کا ہے۔ اس کے علاوہ فون میں انڈر ڈسپلے کیمرا بھی موجود ہے۔
فون کا مین کیمرا 48 میگا پکسل کا ہے، جس کے ساتھ 48 میگا پکسل الٹرا وائیڈ کیمرا بھی دیا گیا ہے۔
آئی فون ڈو میں 5800 ایم اے ایچ کی بیٹری دی گئی ہے، جبکہ فنگر پرنٹ سینسر فون کے سائیڈ پر موجود ہے۔
فولڈ ایبل آئی فون ڈو کی قیمت 1999 ڈالرز، یعنی 5 لاکھ 54 ہزار پاکستانی روپے سے زائد، سے شروع ہوگی اور یہ 23 اکتوبر سے دنیا کے مختلف ممالک میں صارفین کے لیے دستیاب ہوگا۔
آئی فون ڈو کے ساتھ کمپنی نے آئی فون 18 پرو اور آئی فون 18 پرو میکس بھی پیش کیے ہیں، جن میں متعدد نئے اے آئی فیچرز شامل کیے گئے ہیں۔
آئی فون 18 پرو کی قیمت 1199 ڈالرز جبکہ آئی فون 18 پرو میکس کی قیمت 1299 ڈالرز سے شروع ہوگی۔
کمپنی کے مطابق دونوں فونز کی بیٹری لائف کو نمایاں طور پر بہتر بنایا گیا ہے۔
آئی فون 18 پرو میکس کی بیٹری لائف 45 گھنٹے جبکہ آئی فون 18 پرو کی بیٹری لائف 36 گھنٹے ہوگی۔
آئی فونز کے ساتھ ساتھ ایپل نے نئے ایئر پوڈز ہیڈ فونز اور ایپل واچ سیریز 12 اور الٹرا 4 بھی متعارف کرا دیے ہیں۔
